社會學

呢排睇左幾本社會學既書 不過唔知係因為翻譯得唔好定點 真係唔多明
其實社會學起我既思考入面 主要講既係一個社會到底點樣產生社會思想出黎
同佢地講緊既社會學真係有D分別 雖然部分社會學都會講呢個POINT
算 我都係打我自己諗既野出黎算

不過講之前先要講下我對"人"既真實性質既睇法 當然只係我睇法
人既本性到底有冇所謂既道德呢?
我就覺得係冇既 人既真實本性就其實只有同動物一樣既本能 同埋智慧就比較多 呢點就係人同動物最大既分別
有好多人話人係有道德思考 比動物更高級 佢地咁講其實真係好冇腦
拿 唔知你地有冇聽過狼孩呢D野 所謂既狼孩 就即係話由出世到長大 都唔係起人類既塵會入面
全部都係由狼或者其他動物去養大
佢地有咩特質? 就係同動物差唔多根本就冇所謂既道德起佢地身上見到
又換另一種講法 如果人係有道德 會同情其他野既 咁一早就比大自然弱肉強食 食鬼左啦
OK 有人話 人只係對同性既人有道德 咁我又問 點解會有人以道德人性之名去話保護動物 咁咪同本性有出入囉?
又另一個地方有問題 如果人既本性食咁有道德 咁就唔會有食人族呢D野啦 (雖然唔知係咪真係有 但係亦可以用殺人狂黎代表)
所以 由根本上 話人天生就有道德思考既人 個腦根本就裝屎既
你可能就會問我 咁點解人會咁樣有道德判斷呀 變出黎咩
咁我就可以番番去正題 社會
係我既諗法入面
就好似頭先我講 人既本性其實同動物好似
而其他唔同動物一樣既地方 其實全部都係社教化植入
由出世果陣 身邊環境既心理暗示 到小學 中學 大學 傳媒 群眾 文化 智識 呢D好多好多既野 都不知不覺咁馴化人類
令到人類成為左所謂"正常"既人
而我呢個諗法 正正可以解釋到上面所講既問題
狼孩?當然係因為冇比社會馴服 所以有咁既行為
食人族?食人族既社教化 就係叫佢地食人
比大自然食左? 因為社教化係根據社會變化定改變 所以以前既人一定唔同
既然明白到呢到 再推前去睇

所謂既下賤種族人類 根本就唔存在
一切都係睇佢個社會既社教化黎睇既
中國人賤? 根本就因為社會既社教化問題
美國人勁?又係因為社教化問題
所有人種既分別 全部都只係社教化而定既
當然 社教化一字 講緊既係極大範圍 唔理人為 定係唔小心 總之屬於該地此時 可以植入思想既野 就係社教化之一
有一點要重點一下
就係社教化出黎既人 本身亦會成為社教化工具本身之一
所以 社會 呢樣野 成左形既話 想改變係比你想像難更多更多
咁當然可以再推前再諗 思想係由社教化所建立 咁行為模式呢?
睇完狼孩既野之後我相信亦係可以既
如果 我相信只要有正確既社教化 要建立用四肢黎行既人類社會絕對有可能

而我心入面既社會學 就係了解 點樣既社教化 會產生點樣既人性特質 行為模式
呢個就係我想知既野

完?我知你仲有野問
你可能會問 你講咁多野有關社教化 咁點解仲有殺人狂呢D野 點解唔係個個人都一樣?
首先用個好簡單既野講先 社教化係一個地方既總言 但係係不同既地點 時間 都有唔同程度 唔同形式既社教化 什至可能同該社會既主流社教化有極大出入 所以會有唔同既人出現
我想知既當然只係廣義既主流社教化 但係 其實仲有另一個完全冇科學根據 只係我想像既 野 去解釋點解社會上面既人性會出現咁大分別
呢點下回再說